نافذتك الاكاديمية الطبية إلى العالم .. كل ما يشغل بالك مراجع, تقويات, تسجيلات, فيديوهات سوف تجدها هنا . أحدث المستجدات الطبية و آخر أخبار الطب
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 كيف تنظم وقتك في اول السنة للدراسة

اذهب الى الأسفل 
كاتب الموضوعرسالة
faraj



عدد المساهمات : 2
تاريخ التسجيل : 24/12/2015

مُساهمةموضوع: كيف تنظم وقتك في اول السنة للدراسة   الخميس ديسمبر 24, 2015 5:59 pm

كيف تنظم وقتك من أول السنة ؟!
لو حافظت ع الجدول بنتجح بتفوق باْذن الله
1- أحضر المحاضرة ومعاك الكتاب اللي يشرح منه الدكتور ، وهدا مهم جداً . . وهكي بتكون منتبه ويزيد فهمك لموضوع المحاضرة . . يوفر عليك وقت الكتيبة
2- تابع الدكتور في الشيت وحاول تكون مركز معاه في كل كلمة ،، ولو عندك اي اضافة تكتبها في الشيت
3- المراجعة مهمة في النقطتين اللي فوق انت انجزت نص المهمة نجو للجزء الأهم ،، توا تبدأ في ترجمت الكلمات اللي مش مفهومة وتقدر تستعين بقاموس ( أطلس ) . . أو اي ابليكيشن وبعدها تقعمز وتقرا المحاضرة بهدوء وبهكي تكون ثبتت المعلومات بطريقة أولية
4- ما تكتبش كل كلمة يقولها الدكتور لانك مش ح تلحق وهكي تكون مشتت ومش حتركز مع الشرح وتفوت عليك المحاضرة
5- حاول وانت تسجل في المحاضرة تركز مع الدكتور باش لما تروح وتسمع التسجيل تكون عندك فكرة ع المحاضرة
6- ترجم الكلمات غير المفهومة . . وافهم الموضوع ككل . . و ما تحفظش بكل ،، وتوا نقولك السبب ؟
لأن الحفظ في أول السنة يكون صعب ،،لانك ح تضيع وقتك ع الفاضي وتحس باليأس وتحس المنهج صعب . .
7- حذاري من تراكم المحاضرات ، وتكديس المناهج لانه أقصر طريق للفشل . .
بعد أول أسبوعين :
‫#‏كيف_نقرا‬ ؟!
1- استمر ع نفس الطريقة السابقة ، بس تدريجياً ابدأ احفظ الأسهل فالأسهل . .
2- كل واحد و طريقته في القراية ..
* افهم أولا . .
* ربي اعطاك 5 حواس لخدمتك حاول تستغلهم كلهم ( الكلام + السمع + الرؤية + الكتابة ) يزيد تثبيت المعلومة ، وخاصة التسميع بصوت عالي مهم جدا . .
* أكبر غلط تديره انك تحاول تحفظ 100% من أول مرة لأن هدا مستحيل . . وتحبط نفسك . .
الصح >> افهم 90% >> واحفظ 60 إلى 70 % وحتشوف النتيجة من اول مرة
3- يوم الخميس يكون يوم ترفيهك اطلع ارقد ازرد مارس هواياتك وغير جوك
4- يوم الجمعة خليه لمراجعة اللي خديتوه كل أسبوع ،، واحفظه كويس . .
5- بعد شهر ، حاول تراجع اللي خديتوه واختبر نفسك بحب اسئلة السنوات السابقة
6- ما تخافش من النسيان . . لانه أمر طبيعي حتى لو راجعت ونسيت . . ما تخافش بمجرد ما تشوف ورقة الامتحان حنحاول طوول باْذن الله . .
‫#‏ملاحظات‬
1- مافيش حاجة اسمها لو فاتك محاضرات حتسقط ! أو انك مش ح تكون من الأوائل !!! كله دوة فاضية و كلام مش واقعي .. ومع هذا الحضور ظروري لو فاتك تقدر تعوض وتكمل
2- مافيش حاجة اسمها لو قريت من برا منهج الكلية م ح تنجح وتجيب الفل مارك ،، لان اللي يبي يفهم وتتوسع آفاق عقله ح يدور ويجتهد
أما ( ‫#‏التفوق‬ ) يبي تعب اكتر وجهد اكبر . . وأما الفشل والرسوب مش محتاج الا الكسل والنوم واللامبالاه ،،
[ اعرف انك تقرا في علم جميل ، وممتع للغاية ، كما أن مستقبله المهني من أرقي واسمي التخصصات ]
(منقول) lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin
avatar

عدد المساهمات : 18
تاريخ التسجيل : 24/12/2015

مُساهمةموضوع: رد: كيف تنظم وقتك في اول السنة للدراسة   الخميس ديسمبر 24, 2015 6:04 pm

كيف تنظم وقتك من أول السنة ؟!
لو حافظت ع الجدول بنتجح بتفوق باْذن الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://libyan-medical-forum.rigala.net
Amy Musa

avatar

عدد المساهمات : 3
تاريخ التسجيل : 25/12/2015
الموقع : Benghazi

مُساهمةموضوع: رد: كيف تنظم وقتك في اول السنة للدراسة   السبت ديسمبر 26, 2015 2:50 pm

goOd luck
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كيف تنظم وقتك في اول السنة للدراسة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدي الطبي الاكاديمي الليبي :: القسم الاعلامي :: الـمـرشد الأكــاديـمـي-
انتقل الى: